Kthesë e fortë, përmbyset furgoni në tunelin e ‘Unazës së Re’

Kthesat e forta në brendësi të tuneleve tek ish-dogana në Tiranë, mesa duket po kthehen në burim aksidenti.

Brenda ditës janë raportuar për dy makina të përmbysura. Më i fundit është një furgon malli. Për fat të mirë, nga këto dy aksidente nuk ka pasur të lënduar.

Shpejtësia e makinave dhe kthesa e fortë dyshohet se janë shkaqet kryesore të aksidenteve. Ndërkohë kjo është e disata herë që makinat përmbysen në tunelet e sapo hapura tek ish-dogana.