Kryeministrja serbe zbulon detaje mbi shëndetin e Vuçiç: Nuk fle, ka një tension të tmerrshëm për situatën në Kosovë 

Kryeministrja e Serbisë, Ana Brnabić ka zbuluar se Presidenti serb, Vuçiç është me grip e për këtë arsye edhe gjendja e tij shëndetësore është përkeqësuar ndjeshëm.

Sipas Brnabiç, Vuçiç ka një tension të tmerrshëm si pasojë e situatës në Kosovë dhe as pushon, por as nuk fle natën.

Më tej, ajo shprehet se Presidenti serb ka ende stres dhe sistemi imunitar i është dobësuar shumë.

“Ai nuk pushon, mund ta them këtë. Do të doja që ai të pushonte pak më shumë. Ai është nën një tension të tmerrshëm, natyrisht, për gjithçka që po ndodh në Kosovë dhe Metohi, nuk mendoj se ai me të vërtetë flinte natën. Ai gjithashtu mori një grip mbi të gjitha. Sistemi i tij imunitar u dobësua, natyrisht, nga ato përpjekje dhe nga ai stres,” tha Brnabić.