Kryeministri viziton nesër Kosovën, nga takimi me Kurtin tek konferenca për shtyp, agjenda e plotë

Kryeministri Edi Rama do të vizitojë Kosovën këtë të hënë ku do të takohet me homologun e tij Albin Kurti.

Mediat kosovare shkruajnë, se pritja e kreut të qeverisë shqiptare do të bëhet me anë të një ceremonie në shtetërore në sheshin “Skënderbeu” në Prishtinë.

Dicka e tillë është bërë e ditur nga vetë zyra e kryeministrit Albin Kurti, ku midis të tjerash tregohet dhe agjenda e takimit mes dy krerëve të qeverisë.

“Kryeministri i Republikës së Kosovës, Albin Kurti, nesër, më 27 shtator 2021, duke filluar nga ora 08:50, pret me ceremoni shtetërore në Sheshin “Skënderbeu”, Kryeministrin e Republikës së Shqipërisë, Edi Rama, dhe anëtarë të kabinetit qeveritar të Shqipërisë. Pas takimit, Kryeministri i Republikës së Kosovës, Albin Kurti dhe Kryeministri i Republikës së Shqipërisë, Edi Rama, mbajnë konferencë për media në ora 10:20”, shkruajnë mediat në Kosovë.