“Krenaria jonë kombëtare” Dita e Shenjtërimit të Nënë Terezës, Meta del me një mesazh

Në ditën e Shenjtërimit të Nënë Terezës, presidenti Ilir Meta ka dalë me një mesazh.

Ai shprehet se shembulli i shenjtores vjen si mesazh frymëzimi dhe reflektimi për më pak fjalë dhe më shumë vepra për një Shqipëri më të dhembsur dhe njerëzore.

“Të krenohesh me Shën Terezën, së pari duhet të jetësosh veprën e saj!”, shprehet kreu i shtetit në mesazhin e tij.

MESAZHI I PLOTË 

Në Ditën e Shenjtërimit të Nënë Terezës, krenarisë tonë kombëtare, shembulli i saj i jashtëzakonshëm i dashurisë në veprim, solidaritetit dhe humanizmit vjen si mesazh frymëzues dhe reflektimi për më pak fjalë dhe më shumë vepra për ndërtimin e një Shqipërie më të dhembshur dhe njerëzore, ku çdo qytetar në nevojë gjen ndihmë, përkrahje, zgjidhje të halleve, përfshirje sociale, shanse dhe mundësi të barabarta.

Të krenohesh me Shën Terezën, së pari duhet të jetësosh veprën e saj!