LIGJET E BIZNESIT
Shoqata e Ndërtuesve të Shqipërisë ka reaguar me shqetësim në lidhje me klimën e biznesit në vend, duke u shprehur se situata është përkeqësuar.
Ky institucion përkrah plotësisht qendrimin e Dhomës Amerikane të Tregtisë, të cilët janë shprehur: “shqetësimin për mungesën e shtuar të besimi nga komuniteti i biznesit, shoqëria civile dhe investitorët ndërsa përmendi rënien e perceptimit të biznesit në AmCham Business Index, e reflektuar edhe në raporte të tjera ndërkombëtare.”.
REAGIMI I PLOTE:
Shoqata e Ndertuesve të Shqiperise duke analizuar zhvillimet e fundit dhe në përputhje të plote me qendrimin e saj konstaton me keqardhje përkeqësimin e klimes së biznesit në vend.
Ne përkrahim plotësisht qëndrimin e Dhomës Amerikane të Tregtisë në lidhje me situatën e klimës së biznesit në vend kur shprehen: “shqetësimin për mungesën e shtuar të besimi nga komuniteti i biznesit, shoqëria civile dhe investitorët ndërsa përmendi rënien e perceptimit të biznesit në AmCham Business Index, e reflektuar edhe në raporte të tjera ndërkombëtare.”
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shoqata e Ndërtuesve të Shqipërisë po përballet me një tendencë aspak të arsyeshme me rritjen e nivelit të taksimit për këtë industri, shuarjen e klimës së dialogut të përbashket, mosmarrjen parasysh të kërkesave të kësaj industrie për rishikimin e disa iniciativeve ligjore antikushtetuese që kanë renduar mundësine e të berit biznes.
Shoqata e Ndërtuesve të Shqipërisë dhe në deklarime të mëparshme së bashku edhe me grupime të tjera të organizate të biznesit ka shprehur gatishmerinë e vazhdueshme për të ulur ne bisedime dhe për të zbatuar edhe kuadrin ligjor detyrues për konsultime të vazhdueshme me grupet e interesit për iniciativa ligjore që prekin interesat e tyre.
