“Keni në dorë të merrni një vendim historik” Ish-kandidati për kryetar i PD lëshon thirrjen urgjente

Këtë javë pritet që të mblidhet kryesia e Partisë Demokratike për të vendosur në lidhje me mandatin e Sali Berishës si deputet.

Ndërkohë ish-kandidati për kryetar i kësaj force politike, Fatbardh Kadilli, ka reaguar në lidhje me qendrimin që duhet të mbahet për ish-kryeministrin.

Kadilli është një prej të cilëve që e ka kërkuar këtë gjë.

Me anë të një reagimi në rrjetet sociale, ai i ka kërkuar liderit të djathtë Lulzim Basha dhe ka bërë thirrje që e ardhmja e PD nuk duhet të jetë “non-grata”.

MESAZHI I PLOTE

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

E ardhmja e PD-së nuk duhet të jetë “non grata”
PD duhet të ketë një qëndrim të qartë në raport me ish kreun e saj Sali Berisha. Nuk mund të presim vendime surprizë apo të minutës së fundit për një çështje që lidhet me fatin dhe të ardhmen e PD-së. As nuk mund të zvarritemi pa bërë asgjë.
Berisha e ka bërë të qartë që fatin e PD-së do ta mbaj lidhur me fatin e vet “non grata”. Basha nuk flet duke e lënë partinë në kryqëzime të rrezikshme politike.
Eshtë momenti të flasë partia çfarë qëndrimi ka për ish kryetarin “non grata”. Kjo është detyrë e Kryesis dhe e Grupit Parlamentar. Për secilin koleg, është nder të ulesh në karriken e kryesisë dhe të deputetit, por së pari është përgjegjësi.
Keni në dorë të merrni një vendim historik. Luhet fati dhe e ardhmja e Partisë Demokratike që nuk duhet të jetë “non grata”.