“Kemi një plan masash” Në prag të vitit shkollor, Shefi i Rrugores jep informacion për situatën

Shefi i Policisë Rrugore Erion Ahmeti është shprehur sot se në rrugët interurbane kryesore dhe dytësore, si dhe bulevarde ku ka patur raste të mjeteve që lëvizin me shpejtësi tej normave të lejuara, ka monitorim me radar 24 orë.

Nga analiza që është bërë nga policia rrugore në mbyllje të sezonit turistik ka rezultuar se shkelja më e shpeshte e drejtuesve të mjetit ka qenë parakalimi i gabuar që a sjellë jo vetëm aksidente por edhe trafik te renduar në shumë akse.

Shkelësit më të mëdhenj të kodit rrugor kanë rezultuar emigrantët. Në nisje të vitit të ri shkollor shefi I komisariatit rrugor Erion Ahmeti tha për ‘News 24’ se është hartuar një plan masash për të patrulluar pranë shkollave dhe për të kontrolluar mjetet që janë licencuar për të transportuar nxënës.

Falë masave të marra nga ana e policisë krahasuar me një vit më parë në kryeqytet janë shënuar 30 % më pak aksidente me pasojë vdekjen.