“Ka ca burra që Edi Rama nuk i blen dot kurrë”/ Dashamir Shehi ka një mesazh për kryeministrin

Kreu i Lëvizjes për Zhvillim Kombëtar, Dashamir Shehi në emisionin “A show”, ka komentuar hipotezat se grupi i parlamentar që po negociohet që të krijohet nga aleatët e Partisë Demokratike, do të “blihet” nga Edi Rama.

Adi Krasta: A do ishit gati që të bënit bashkëpunim me disa emra për të cilët jeni treguar të ashpër. Përshembull Mediu? Jeni treguar shumë i ashpër për disa nga ato emra.

Dashamir Shehi: Ore të gjithë këto që janë. Unë po të them ty që grupi parlamentar nuk është një gjë. *ndërhyn Adi Krasta Jo, jo, mo jo. Ne përsa janë brenda limiteve të politikës, i kemi shuar konfliktet. Grupi është instrument që na lë të flasim më shumë. Brenda grupit, unë po ato fjalë kam për të thënë ore. Nëse ti më thërret unë të vij e të flas. Ky është grupi ore.

Adi Krasta: Kanë dalë fjalë që disa po përpiqet që t’i blejë Rama?

Dashamir Shehi: Le t’i blejë ore. Kryeministri mund të ketë dalë për të blerë ndaç edhe nga grupi më i madh. Po ka ca burra që nuk i blen dot kurrë.