Juventus nuk di të fitojë në Serinë A, Milan i pafat në fund

Juventusi nuk e ka shijuar akoma fitoren e parë në Serinë A. Në katër ndeshje renditet në vendin e 18-të me vetëm dy pikë, pas dy barazimeve dhe pas dy humbjeve.

Kryendeshja e “Seria A” ndaj Milan u mbyll me rezultatin 1-1. Një gol tepër i shpejtë i Moratas që në minutën e katërt të takimit krijoi edhe idenë se kjo do të ishte ndeshja e kthesës për skuadrën e Allegrit.

Por, pavarësisht volumit të madh të lojës, Juvja nuk pati ndonjë rast tjetër të pastër shënimi dhe dyshja Dybala-Morata nuk funksionon në sulm.

Milani barazoi me Rebiç në minutën e 75 të ndeshjes. Goli duket se frymëzoi kuqezinjtë që në minutat e mbetura patën edhe tre raste tepër të pastra për të shënuar. Me shumë pak fat, fillimisht Rebiç, më pas Kalulu dhe Florenci mund t’i kishin dhënë tri pikë skuadrës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern