Juventus mposht Vllazninë, shkodranët dalin kokëulur nga “Loro Boriçi”

Ekipi i femrave të Vllaznisë humbi ndeshjen e parë në “Loro Boriçi” përballë Juventusit  me rezultatin 0-2. Në sfidën e vlefshme për play-off të Women Champions League shkodranet e kishin të pamundur të përballonin presionin e kundërshtareve.

Italianet treguan se ishin superiore gjatë gjithë kohës, duke krijuar mundësi edhe gola të tjera. Juventus W kaloi në avantazh në minutën e 12′ me anë të Girellit.

Hurtig shënon golin e dytë për kampionet e Italisë, që duket më shumë si autogol i lojtares së Vllaznisë, Lufo. Vajzat shkodrane u munduan të futen në lojë me një gol, por e kishin të pamundur të depërtonin mbrojtjen juventine.