Iu gjetën drogë dhe pistoletë në banesë, pranga shqiptarit në Itali

Një i ri shqiptar përfundoi në prangat e policisë mbrëmjen e kaluar në Brescia të Italisë pasi iu gjet 100 gramë kokainë.

Ka qenë një efektiv i karabinierëve ai i cili e ka pikasur të riun jashtë banesës së tij duke u sjellë në më mënyrë të çuditshme.

Mediat italiane shkruajnë se efektivi i policisë nuk ishte në turn, dhe dalloi shqiptarin teksa qëndronte poshtë banesës së tij. Në momentin që shqiptari u ngjit në banesë, efektivi lajmëroi përforcime.

Kur mbërriti policia, efektivët kryen një kontroll të imtësishëm fizik ku i gjetën një qese me 100 gramë kokainë. Nga kontrolli i ushtruar në banesën e tij, iu gjet po ashtu edhe një pistoletë pa leje.

Karabinierët arrestuan shqiptarin i cili më pas u dërgua në burgun “Nerio Fischione” në Brescia të Italisë.