Ish-kryeministri Berisha: E ftoj Bashën të përballet me mua, ku të dojë dhe si të dojë

Ish-kryeministri Sali Berisha është treguar mëse i gatshëm që të përballet me kryetarin e Partisë Demokratike Lulzim Basha.

Berisha u shpreh se është i gatshëm të takohet dhe të përballet me Bashën, kudo dhe kurdo që të dojë ky i fundit. Madje ai e ftoi në takimet me aktivistët dhe simpatizantët e Partisë Demokratike.

“Për çfarë do të takohemi? Që kur ka dalë ky vendim, unë operoj me të tjera gjëra. Për çfarë do flasim. Unë jam njeriu që në SHBA kam pasur fatin të njoh katër ish-Presidentë, t’i takoj, të më presin e t’i pres, disa sekretarë. Në asnjë rast nuk kam kërkuar ndihmë. E ftoj të vijë në takime me aktivistët, me simpatizantët e Partisë Demokratike. Ku të dojë e si të dojë, s’kam asnjë kufizim,”- tha Berisha ndër të tjera.