Ish-ministri i Brendshëm Sandër Lleshaj në një lidhje me Skype në “Open”, u përball me akuza ku u përmend çështja e blerjes së makinës luksoze gjatë kohës që ai ishte Ministër i Brendshëm.
Ato u cilësuan si ‘gjynahe’ nga gazetari Elton Qyno dhe profesori i kriminologjisë, Ervon Karamuça.
“Moralin tim e gjykoj vetëm unë dhe nuk ka askush tjetër tagër që të më gjykojë. Pikërisht sepse kam moral kam dhënë dorëheqjen, kam dhënë dorëheqjen pikërisht për të vendosur një standart moral që kësaj shoqërie i mungon dhe ka për t’i munguar dhe për shumë kohë. Termi gjynah uk më përket fare, mos e thoni,”- tha Lleshaj.
