Humbi kontrollin e motorit dhe u përplas me një shtyllë, ndërron jetë 21-vjeçari shqiptar në Greqi

Një i ri shqiptar bashkë me shokun e tij grek ka humbur jetën pas një aksidenti të rëndë që pësuan teksa po udhëtonin me motor.

Mediat e shtetit grek raportojnë se 21-vjeçari Erdi Rushitaj bashkë me shokun e tij 17-vjeçar Mateos Karagiannakis humbën jetën pas aksidentit në ishullin e Kretës.

Dy të rinjtë po udhëtonin me motorin që drejtohej nga i riu shqiptar por më pas Rushitaj humbi kontrollin e mjetit dhe u përplas me një shtyllë dritash në anë të rrugës.

I riu 21-vjeçar shqiptar humbi jetën në vend ndërsa 17-vjeçari ndërroi jetë pasi u transportua për në spital.

Në vendin ku ndodhi ngjarja e rëndë, miq e të afërm të të rinjve kanë vendosur lule e kanë ndezur qirinj.