Helmohen qytetarët në kryeqytet, disa prej tyre në gjendje të rëndë

17 persona janë paraqitur në Qendrën e Mjekësisë në fshatin Besi të kryeqytetit të Kosovës, Prishtinë. Ata kanë pasur simptoma si: të vjella, ethe, dhimbje të muskujve dhe temperaturë të lartë.

Bëhet me dije se pesë nga pacientët janë referuar në Qendrën e Mjekësisë Familjare në Emshir për të kryer testin anti-COVID.

Referuar raportit të gjithë personat kanë rezultuar negativë, ndërsa dyshohet se qytetarët mund të jenë helmuar nga ushqimi.

“Ka pasur rast vdekje në një familje dhe kanë porositur ushqim në një restorant. Të gjithë janë helmuar dhe disa janë në gjendje të keqe. Rasti ka ndodhur në fshatin Trudë. Kanë qenë në vizitë Naser Ramadani dhe disa ekipe mjekësore”, ka thënë një qytetare.