“Gjithmonë mendoj vdekjen, dua të marr sa më shumë me vete”, gjenden shkrimet e të riut që qëlloi në universitet

Thellohet edhe më tej bilanci i të shtënave me armë që u regjistruan paraditen e kësaj të hëne në Universitetin Perm në Rusi.

Deri më tani raportohet për 8 të vdekur dhe 6 të tjerë të plagosur.

Autori i vrasjes është identifikuar si studenti Timur Bekmansurov, 18 vjeç. Në një postim në rrjetet sociale të shkruar pak para sulmit, Bekmansurov shpjegoi krimin, teksa deklaronte se qëllimi i tij ishte që të merrte sa më shumë jetë. Duket se i riu ka qenë në gjendje tepër të rënduar mendore në momentin kur ka planifikuar dhe më pas kryer krimin e rëndë.

“Që prej kohës kur e njoh veten, gjithmonë kam menduar për vdekjen. Unë nuk e di sa mund të vras, por do të bëj gjithçka që të marr sa më shumë njerëz me vete”, shkruante I riu, i cili edhe ai vetë ka mbetur i plagosur pas sulmit.

Gjatë tentativës për t’i shpëtuar të shtënave, studentë të shumtë u hodhën nga dritaret e klasave të tyre, ndërkohë që pamjet u bënë menjëherë virale në rrjet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Zyrtarët e universitetit kanë apeluar studentët që të largohen nga kampusi, ose të qëndrojnë të mbyllur në një dhomë, ndërkohë që policia ka rrethuar zonën.