E trishtë/ Sakrifikoi jetën për të shpëtuar një person, vdes ministri i emergjencave civile

Ministri rus i Emergjencave Civile Yevgeny Zinichev ka humbur jetën gjatë një seance stërvitore në Arktik.

Sipas Reuters, 55-vjeçari i cili mbante postin që prej vitit 2018, vdiq teksa tentoi të shpëtonte jetën e dikujt tjetër.

Mediat vendase shkruajnë se “… Zinichev vdiq në mënyrë tragjike gjatë kryerjes së detyrave të tij zyrtare gjatë stërvitjeve ndër-departamentale për të parandaluar situatat e krizës në Arktik, duke tentuar të shpëtojë jetën e dikujt”.

Margarita Simonyan, kryeredaktore e kanalit televiziv rus RT, tha se Zinichev kishte qëndruar në një parvaz me një kameraman i cili rrëshqiti dhe ra në ujë. Zinichev u hodh pas tij për ta shpëtuar dhe vdiq pasi u përplas me një shkëmb. Kameramani gjithashtu vdiq, shtoi Simonyan.

Zinichev ishte në Arktik për të mbikëqyrur stërvitjet në shkallë të gjerë, ku dhe vizitoi vendin e ndërtimit të një stacioni të ri zjarrfikës në Norilsk.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Para se të bëhej ministër, Zinichev kishte qenë zëvendësdrejtor i Shërbimit Federal të Sigurisë dhe ushtrues i detyrës së guvernatorit rajonal të Kaliningradit.