E rëndë/ E zë korenti në kabinën që po riparonte, ndërron jetë elektriçisti (EMRI)

Një ngjarje e rëndë ka ndodhur në fshatin Gosë të Kavajës.

Mësohet se një elektriçist ka humbur jetën teksa po riparonte një kabinë.

Sipas informacioneve bëhet fjalë për Sadi Qahajajin, rreth 60 vjeç.

Ai ka rënë në kontakt me rrymën elektrike teksa po punonte për të rregulluar defektin e ndodhur në kabinën elektrike.

Edhe pse është bërë transportimi i tij për marrjen e një shërbimi të specializuar mjekësor në spitalin e Durrësit, ai nuk ka mundur dot të mbijetojë.

Grupi hetimor dhe policia ndodhin në vendin e ngjarjes dhe po punojnë për zbardhjen e rrethanave të vdekjes së 60-vjeçarit.