Durrës/ Hidhet në erë me tritol makina e punonjësit të policisë

Një sasi tritoli i është vendosur shtetasit L. K. me detyrë efektiv policie në Durrës.

Makina ka qenë e parkuar para banesës së policit dhe raportohet vetëm për dëme të vogla materiale nga shpërthimi.

Policia njofton se ka shoqëruar disa persona që dyshohen që mund të kenë dijeni për rrethanat e ngjarjes.

‘Më datë 03.09.2021, rreth orës 06:25, në lagjen nr.17, Durrës, dyshohet se është vendosur dhe ka shpërthyer një sasi e vogël lëndë plasëse në mjetin e parkuar para banesës, në pronësi të shtetasit L. K.,(punonjës policie), nga e cila ka vetëm dëme të vogla materiale.Shërbimet e Policisë kanë shoqëruar disa persona që dyshohen që mund të kenë dijeni për rrethanat e ngjarjes.

Grupi hetimor ndodhet në vendngjarje dhe po punon për zbardhjen e rrethanave të ngjarjes, identifikimin dhe kapjen e autorëve.’- njofton policia.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern