“Do ta mirëpresim ngrohtësisht në Kabul” Talebanët ftesë publike Angela Merkelit, tregojnë planin e tyre

Një zëdhënës i talebanëve është shprehur së fundmi se ata janë të gatshëm për të mirëpritur kancelaren gjermane Angela Merkel.

Në një intervistë për gazetën vendase “Bild”, Zabidullah Mujahid ka thënë: “Ne do ta mirëpresim ngrohtësisht zonjen Merkel në Kabul”, duke i bërë asaj një ftesë publike.

“Ne duam një mjedis të sigurt këtu në Afganistan, i cili është i pranueshëm për të gjitha vendet e botës. Ju duhet të na vizitoni dhe Angela Merkel do të ketë një pritje shumë të ngrohtë”, tha ai.

Më tej ai tha se Gjermania mund të ndihmonte në fushën humanitare dhe të nisë sipërmarrësit e saj të investojnë në Afganistan.

“Përveç kësaj, qeveria gjermane mund të inkurajojë sipërmarrësit e saj të investojnë në vendin tonë. Ne do t’i hapim rrugën kësaj dhe do të sigurojmë sigurinë e tyre ”, shton ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern