Ndryshimi i stinëve padyshim që kërkon shumë harmoni midis trupit dhe ushqyerjes. Trupi duhet përshtatur me ndryshimet e motit, temperaturën, erën si dhe të ftohtin.
Me ardhjen e vjeshtës, sigurisht që era bëhet më e fortë.
Ekspertët e mjekësisë popullore besojnë se era ka fuqinë të sjellë një sërë sëmundjesh nëse trupi nuk është i mbrojtur.
Për të bërë një kapërcim nga ditët e nxehta në ato të freskëta e të turbullta, njeriu mund të shfrytëzojë ushqimet e mëposhtme të cilat ofrojnë energji dhe mbrojtje.
Lëngu i Kockave
Ky lëng është mjaft i pasur me ushqyes, proteina, minerale dhe amino acide.
Ai përmirëson ndjeshëm tretjen, imunitetin, gjumin, energjinë dhe i jep lëkurës më shumë kolagjen.
Xhenxhefili
Xhenxhefili ngroh dhe qetëson bindshëm stomakun duke lehtësuar tretjen. Ai ndihmon në nxjerrjen e toksinave nëpërmjet sekrecioneve si dhe lufton inflamacionin e dëmtimet në mëlçi. Xhenxhefilin mund ta konsumoni në formë çaji por edhe ta përfshini në gatime të ndryshme.
Mjalti
Mjalti ushqen dhe mbron mushkëritë dhe shpërbën edhe sekrecionet. Ai zbut fytin dhe kollën.
Dardhat
Dardhat janë ndër frutat që nuk duhet të mungojnë në regjimin ushqimor të këtij ndryshimi stinor. Ato zbusin fytin dhe mbrojnë mushkëritë.
Kanella
Kjo erëz fantastike lufton ftohjen dhe dhimbjet e saj. Ajo përmban antioksidantë që luftojnë inflamacionin dhe mbrojnë zemrën.
Vitamina D
Studime të shumta tregojmë se kjo vitaminë është shumë e rëndësishme për një imunitet sa më të fortë.
Përpos ekspozimit në diell atë mund ta merrni nëpërmjet suplementëve me rekomandimin e mjekut.
