Çfarë ndodhi? Pak ditë pasi u strehuan, afganët largohen nga Qyteti Studenti

Vetëm pak ditë pasi u strehuan, 300 qytetarët afganë janë larguar nga Qyteti Studenti.

Ata janë zhvendosur në Lezhë, ku do të qendrojnë në hotele.

Mësohet se në Qytet Studenti afganët akomodohen, derisa plotësojnë dokumentet për mbrojtjen e përkohshme.

Deri tani në vendin tonë kanë mbërritur 607 refugjatë nga Afganistani. Një pjesë e tyre janë strehuar në strukturat hoteliere në qytetin e Durrësit.

Kujtojmë që kryeministri Edi Rama ka deklaruar se Shqipëria do të presë përkohësisht rreth 4 mijë afganë, të cilët për shkak të regjimit të talebaneve kanë braktisur vendin.

Po ashtu, Rama është shprehur se kush dëshiron, mund të qëndrojë edhe përgjithmonë në vendin tonë.