LIGJET E BIZNESIT
Rikthehet në Apelin e Gjykatës së Posaçme, çështja e ish-ministrit të Brendshëm Saimir Tahiri.
Gjykata e Lartë ka vendosur në favor të kerkësës së tij, duke e rikthyer çështjen me një trupë të re gjykuese.
Kështu, Gjykata e Lartë rrëzoi kërkesën e SPAK për ti rikthyer hetimet dhe njëherë nga e para.
Ky institucion vendosi që këtë herë çështjen ta drejtorojë një tjetër trupë gjykuese, duke miratuar kërkesën e avokatit të Tahirit, Maksim Haxhia.
Gjatë dëgjimit të pretendimit të palëve në seancë, SPAK kërkoi lënien në fuqi të vendimit të Apelit, që nga ana e tij kishte vendosur për kthim të çështjes në gjykim në Shkallë të Parë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Rekurs për çështjen ka bërë edhe prokuroria, e cila i qëndron kërkesës për dënimin e Tahirit me 12 vite burg për “trafik narkotikësh” dhe “grup të strukturuar kriminal”.
Sipas prokurorisë, Tahiri dhe i bashkëpandehuri i tij Jaeld Cela kanë garantuar grupin e “Habilajve” në trafikun e sasive të mëdha të kanabisit nga Shqipëria në Itali.
Kujtojmë që Saimir Tahiri u dënua nga Krimet e Rënda për shpërdorim detyre me 3 vite shërbim prove, për tre vepra penale: “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”.
