“Lulzim Basha i dha goditjen vrastare PD-së.” Ka qenë kjo deklarata e bërë nga deputeti Flamur Noka teksa fliste për vendimin e kreut të PD-së Lulzim Basha për të përjashtuar nga grupi parlamentar Berishën.
Midis të tjerash, Noka ka thënë se Basha ka pasur presion edhe herë të tjera mirëpo sipas tij nuk është dorëzuar ndërsa sot, Basha u dorëzua përballë presionit për arsye personale.
Në fjalën e tij në “Abc” Noka ka shtuar se Bashës i është thënë më parë kur vendosi të digjte mandatet dhe të mos merrte pjesë në zgjedhje se do të shpallej “Non grata” dhe madje Partia Demokratike do të shpallej si një “organizatë e dhunshme”, por sipas Nokës sërish Basha nuk u lëkund. Flamur Noka i shtron pyetjen kreut të PD-së, se pse e mori vendimin për ta larguar Berishën nga grupi parlamentar.
“Në një forcë politike. Demokracie e brendshme në vendim marrje është thelbësore dhe jetike. Kur shkel parimet e vendimmarrjes ke vrarë parime. Është ngjarje që s’ka ndodhur kurrë në fyerje të normave statuore dhe në përplasje m ët gjithë vullnetin dhe strukturat e anëtarësisë”
“Çështja është tek vullneti tek strukturat. Edhe PD ka institucionet e saj. Për sa kohë nuk respekton kushtetutën e forcës tënd politike me çfarë do e fitosh besimin e shqiptarëve. Është sjellë si një autokrat. E ka dërrmuar statutin dhe ka shkelur me këmbë institucionet e forcës politike që ai i di dhe mund të jenë personale.”
“Basha duhet të sqarojë demokratët. Pse kur dogji mandatet nuk iu bind presionit apo sugjerimit apo rekomandimit të SHBA. Ka qenë presion i madh i njëjti me këtë që është bërë pse nuk iu bind presionit? Kur nxori në rrugë mbi 30 mijë nën punës të shteti dhe bojkotoi zgjedhjet lokale. Pse kur kishte interes të tij në lartësimin e emrit. I është thënë se do shpallesh ti “non grata” dhe forca e PD do shpallet forcë e dhunshme. Nuk i pyeti për interesa të tij. Pse e bën një gjë të tillë tani? Sot kam dëgjuar kolegë që i bëjnë avokatin Bashës. Ishin kundër. Në rast se ti merr një vendim kundër shumicës e ke të pamundur që ta përfaqësosh shumicën. Duhet të jepte dorëheqjen.”
“ Kushdo që të ishte në atë karrige nuk do merrte një vendim ta rrënonte PD. Sepse ky vendim nuk ishte i lehtë dhe i thjeshtë. Kur e paskan ditur që strukturat anëtarësia dhe baza janë kundër vendimit. A e kanë ditur se po e përçajnë PD. Cili është qëllimi i liderit? Është ta mbajë forcën politike të bashkuar dhe ta çojë në fitore. A u mbaj PD? Nuk u mbajt dhe u përça si kurrë më parë. Ishte e rraskapitur PD. Mori një goditje të dytë me shpalljen non grata. Ndërsa Basha i dha një goditje vrastare PD. A është kjo që të poshtërojë dhe varros PD. Unë po të isha do jepja dorëheqjen. Do pranoja çdo gjë në shpatullat e mija po demokratët të mos i përçajë dhe rrënojë.” tha deputeti demokrat Flamur Noka.
