Kryeministri Rama teksa prezantonte programin e qeverisë, foli edhe për nismën e Ballkanit të hapur, pjesë e të cilit Kosova refuzon të marrë pjesë.
Ai tha se kjo i shërben të gjithë rajonit që të fuqizohen dhe për ‘të nxjerrë’ vetë gomarin nga balta pa pritur Brukselin.
“Ballkani i Hapur është një pjellë e procesit të Berlinit për lëvizjen e lirë të njerëzve, mallrave, kapitale, shërbimeve pa pritur të na mbledhin një herë në vit dhe në fund për të mos u bërë asgjë. Në procesin e Berlinit ishte edhe kodridori blu, ku është? Ballkani i Hapur nuk merr përsipër asgjë por mundëson ta nxjerri vetë gomarin nga balta pa pritur të na iki edhe një 10 vjeçar tjetër duke shpresuar se litarët për ne do i tërheqin të tjerët nga Berlini apo Parisi.
Shqipëria shihet sot si pikë referimi në Ballkan. Kjo nisëm nuk është as lojë serbe dhe as konspiracion rus. Serbia është më e madhe me ne të marrë veç e veç, por me shqiptarët të së bashku jo. Serbia duhet të kërkojë falje për spastrimin etnik, por si arrihet deri këtu? duke u izoluar pas barikes së luftën imagjinare apo duke u hapur edhe u afruar? Unë dua të bashkëpunoj ngushtësisht me Kosoven dhe ta trajtojmë këtë mosdakordësi me respekt”, tha Rama
