“Arritje e jashtëzakonshme” Bujar Nishani nxjerr postimin e Sali Berishës dhe kujton momentin e rëndësishëm

Ish-presidenti Bujar Nishani ka zgjedhur të rishpërndajë postimin e Sali Berishës, i cili shfaqet me letërnjoftimin e parë biometrik shqiptar në dorë.

“Ka qenë një punë dhe arritje e jashtëzakonshme e Qeverisë Shqiptare të asaj kohe, Ministrisë së Brendshme, veçanërisht me stafin e saj të mrekullueshëm, të aftë, të ndershëm e të mençur”, kujton Nishani.

MESAZHI I PLOTE:

Ka qenë një punë dhe arritje e jashtëzakonshme e Qeverisë Shqiptare të asaj kohe, Ministrisë së Brendshme, veçanërisht me stafin e saj të mrekullueshëm, të aftë, të ndershëm e të mençur.

Një homazh të veçantë meriton Zv/ministri i asaj kohe Ferdinant Poni !

Ndihma e çmuar e Ministrisë së Brendshme të Austrisë për të realizuar në një kohë rekord Regjistrin Elektronik të Gjendjes Civile i cili zëvendësoi regjistrat e grisur, të pistë e plot gabime që kishim trashëguar nga qeveria socialiste në zyrat e Gjendjes Civile, ishte hapi vendimtar për angazhimin e suksesshëm të Fondit Shqiptaro Amerikan të Ndërrmarjeve dhe Kompanisë lider franceze SAGEM.

Megjithë përpjekjet e turpshme të opozitës agresive të asaj kohe nën drejtimin e Edi Ramës për të penguar, minuar e dëmtuar proçesin, shqiptarët arritën të kenë kartat e identitetit dhe pasaportat biometrike ndër më cilësoret në Evropë.

Deri përpara zgjedhjeve parlamentare të vitit 2009, u arrit të paisen me kartat e identitetit 1,6 milion shqiptarë.

Kohë rekord, cilësi evropiane, ndershmëri e kristaltë !

Punë Kampionësh ! ????????