Aksident në Berat/ 4 të plagosur, mes tyre dhe dy fëmijë

Një aksident ka ndodhur në aksin nacional Berat-Skrapar dhe si pasojë katër persona, dy prej të cilëve fëmijë kanë mbetur të plagosur.

Një makinë tip “Golf” me targa AA 363 DI dhe tjetra tip “Seat” me targa AA 679 BT janë përplasur me njëra-tjetrën në vendin e quajtur “Qafë Hoxhaj”.

Të plagosurit janë transportuar drejt Spitalit Rajonal të Beratit dhe janë jashtë rrezikut për jetën.

Një nga drejtuesit e mjeteve, italiani Guido Sivori, ka treguar makina tjetër, tip “Golf” që drejtohej nga Xhulio Katillari e ka goditur përballë.

“Unë isha në të djathtë, me shpejtësinë e lejuar dhe makina tjetër doli nga kthesa dhe erdhi në sensin e kundërt. U përpoqa ta evitoja, por nuk ia dola. Nuk e vura re, ishte me shpejtësi dhe përplasja ishte ballore në korsinë time. Isha me familjen time dhe janë mirë,”- rrëfeu shoferi italian.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern