Aksident i rëndë në Durrës-Tiranë, automjeti përplas këmbësoren, dërgohet menjëherë në spital

Një aksident i frikshëm ka ndodhur në rrugën Durrës-Tiranë. Automjeti ka përplasur këmbësoren e cila po kalonte rrugën.

Kjo e fundit u dërgua menjëherë në spital ndërsa shoferi 20-vjeçar është shoqëruar në komisariat.

NJOFTIMI NGA POLICIA

Durrës/Informacion paraprak

Me datë 25.09.2021, rreth orës 20:15, në aksin rrugor Durrës-Tiranë, një mjet me drejtues shtetasin I. S., 20 vjeç, ka aksidentuar një shtetase këmbësore ende të paidentifikuar e cila ndodhet nën kujdesin e mjekëve.

Drejtuesi i mjetit është shoqëruar në ambientet e Policisë për veprime të mëtejshme.

Grupi hetimor ndodhet në vendngjarje dhe po punon për zbardhjen e rrethanave të aksidentit.