Gati tre muaj pasi gjeti të vrarë gruan dhe të birin jashtë shtëpisë, një prokuror i njohur në Karolinën e Jugut në SHBA është qëlluar me armë .
Alex Murdaugh, i cili vjen nga një dinasti e gjatë avokatësh me influencë në Karolinën e Jugut,u dërgua në spitalin e Savannah, Georgia, ku u trajtuar për një plagë sipërfaqësore arme zjarri në kokë, thuhej në deklaratën e autoriteteve.
Murdaugh ishte duke ndërruar gomën e makinës kur u sulmua me armë nga një makinë në lëvizje.
Më 7 qershor të këtij viti, Murdaugh thirri autoritetet duke deklaruar se kishte gjetur të vrarë me armë gruan e tij Margaret, dhe të birin Paul, jashtë shtëpisë së tyre në Islandton.
Vrasjet kanë risjellë në vëmendje përfshirjen e djalit të tij Paul në një aksident me barkë në 2019 ku gjeti vdekjen një vajzë 19-vjeçare. Para se të vdiste Paul përballej me akuza për vrasje nga pakujdesia dhe drejtim të barkës nën influencë të substancave narkotike.
