21-vjeçarja Albiona Ajeti nga Kosova, po bën namin në tregun ndërkombëtar të teknologjisë.
Së bashku me të vëllanë, Qendrimin ata kanë arritur të krijojnë lojën “Crazy Tire”, e cila është përzgjedhur nga kompania “Apple”.
Madje, prestigjozja “The Guardian” i ka dedikuar asaj edhe një artikull, duke e cilësuar shqiptaren si vajzën e cila po korr sukses në tregun e “burrave”.
Albiona ndau detaje të ndryshme nw lidhje me këtë lojë dhe si arriti në realizimin e saj.
“Lojën e kam zhvilluar vitin e kaluar bashkë me vëllian tim. Ai ka bërë dizanjimin dhe unë kam bërë programimin.
Rrota është karakteri kryesor i rrotës dhe duhet ta kalosh nëpër vende të ndryshme, në mënyrë që të fitosh monedha. Kur rrota prek rraketën, kthehet në rraketë dhe ke mundësi të fitosh më shumë.
Kam parë tregun dhe kam vënë re që nuk ka pasur lojëra me platforma dhe në bazë të analizës që kam bërë tregu ka nevojë për lojëra të tilla.
Lancimi i lojës ka ndodhur në mënyrë natyrale, nuk ka qenë pjesë e asnjë konkursi. Ne thjesht e kemi paraqitur dhe Apple na e ka pranuar”, u shpreh ndër të tjera 21-vjeçarja.
