Një 23-vjeçar shqiptar shkaktoi panik tek familjarët pasi u shfaq me armë zjarri. Ai kërcënoi se do të vriste gruan dhe të ëmën, të cilat po mbronin vajzën.
Menjëherë, të dyja njoftuan policinë italiane. Kjo e fundit, arrestoi të riun në shtëpinë e vjehrrës, ku po kërcënonte me armë.
Zanafilla e debatit nisi me gruan e tij dhe ai u largua nga banesa për tu rikthyer me armë. Nga hetimet rezultoi se arma ishte vjedhur nëntorin e vitit të kaluar në provincën e Bergamos.
I riu shqiptar do të akuzohet për veprat penale “kërcënim”, “përdorim i armëve”, “mbajtje ilegale e armëve”, “marrja e mallrave të vjedhura” dhe “keqtrajtim në familje”.
