“Vetëm çështje kohe”/ Talebanët pozicionohen të marrin kontrollin e aeroportit të Kabulit: Pritet largimi i…

Forcat talebane janë pozicionuar në aeroportin e Kabulit dhe janë gati të marrin kontrollin e plotë këtë fundjavë, sapo forcat amerikane të largohen, thanë të premten dy zyrtarë të lartë talebanë.

Një komandant i lartë tha se forcat talebane kishin marrë pjesën më të madhe të aeroportit, “përveçse një pjese të vogël ku amerikanët janë akoma”.

Një zyrtar i dytë tha se forcat ishin gati për të marrë kontrollin e plotë, duke shtuar: “është vetëm çështje e një kohe të shkurtër”.

“Sapo amerikanët të largohen, ata thjesht duhet të na japin sinjalin dhe ne pastaj do të marrim përsipër kontrollin,” tha ai. “Kjo mund të bëhet qysh në fundjavë.”

Zëdhënësi i Pentagonit John Kirby tha se talebanët nuk kanë nën kontroll ndonjë zonë ushtarake të aeroportit./ Marrë nga VOA