U zinte pritë vajzave në Tiranë dhe i dhu nonte/ Policia gjen të riun, e mbyllin në psikiatri

Policia e Tiranës ka arrestuar një të ri, i cili ka dhunuar fizikisht dy vajza në kryeqytet.

Bëhet me dije se 29-vjeçari vuante nga depresioni dhe çrregullimet e ankthit. Ai u dërgua në Spitalin Nr.5 Tiranë për trajtim të specializuar.

“Specialistët për Hetimin e Krimit në Komisariatin e Policisë Nr. 3 bënë procedimin në gjendje të lirë të shtetasit D. T., 29 vjeç, pasi ka dhunuar fizikisht shtetaset A. E. dhe D. D. Nga veprimet hetimore ka rezultuar se ky shtetas vuante nga depresioni dhe çrregullimet e ankthit. Pas përfundimit të veprimeve proceduriale dhe udhëzimeve të Prokurorit ky shtetas u dërgua në Spitalin Nr.5 Tiranë për trajtim të specializuar”, njofton policia.

Në rrjetet sociale ka patur shumë denoncime për dhunë. Një vajzë raportonte se është dhunuar mizorisht nga ky person, të cilin nuk e njihte. Ai ndalonte vajza në rrugë dhe i masakronte me grushte.