‘U ndëshkua se kërkoi arrestimin e Tahirit’/ Paloka zbulon pse u shkarkua Prokurori Hajdarmataj

Sot Komisioni i Pavarur i Kualifikimit venodsi shkarkimin e prokurorit Besim Hajdarmataj, vendim të cilin nënkryetari i Partisë Demokratike, Edi Paloka e quan të padrejtë.

Paloka shkruan se Hajdarmataj u ndëshkua për dy krime të sigurta, që kreu gjatë karrierës së tij: Përgjimin e kriminelëve që manipuluan zgjedhjet në Dibër, si dhe kërkimin e arrestimit të Tahirit.

“Unë nuk e njoh Besim Hajdarmatën dhe nuk marr përsipër as ta mbrojë për çfare i kanë ngritur si pretendim ata që e shkarkuan sepse nuk kam dijeni për të vërtetën, por kam dijeni për dy “krime” të sigurta të tij: -Vuri në përgjim kriminelët që manipuluan zgjedhjet në Dibër, e famshmja dosje 184, duke nxjerrë zbuluar gjithë kupolën, filluar nga Rama! – Kërkoi arrestimin e Tahirit! Kaq besoj mjafton për tu larguar nga drejtësia e Ramës!”- shkruan Paloka.