Tronditet Lushnja/ Ekzekutohet pronari i lokalit, plumbat përshkojnë xhamat e kafenesë (3 të plagosur)

Personi që humbi jetën mbrëmjen e sotme në Lushnje në atentat është Bledar Muça, 34-vjeç, pronari i lokalit ku ndodhi edhe ngjarja.

Ai u sulmua në lokalin në pedonalen e qytetit dhe ka humbur jetën si pasojë e përplasjes me armë zjarri.
I ulur në tavolinë me miqtë, autorët e ekzekutuan Muçën nga makina.

Po ashtu 3 persona janë plagosur, ndërkohë që policia ka mbërritur menjëherë në vendngjarje dhe po heton për zbardhjen e plotë të rrethanave të ngjarjes.

Informacion paraprak

Sot rreth orës 22:00, në një lokal në pedonalen e qytetit, është qëlluar me armë zjarri dhe për pasojë ka ndërruar jetë shtetasi B. M dhe kanë mbetur të plagosur shtetasit J. V., 32 vjeç, E. T dhe S. L., 24 vjeçe të cilët ndodhen në spital nën kujdesin e mjekëve.

Janë ngritur pika kontrolli në hyrje-dalje të qytetit dhe po vijon krehja e zonës me qëllim kapjen e autorëve.

Vijon puna për zbardhjen e rrethanave dhe dokumentimin e plotë të ngjarjes.