Tragjike/ U detyrua të martohej, 14-vjeçarja vdes gjatë lindjes

Policia në Zimbabve është duke hetuar mbi vdekjen e një vajze 14-vjeçare gjatë lindjes. Rasti ka sjellë edhe zemërim midis qytetarëve dhe aktivistëve të të drejtave.

Vajza Memory Machaya raportohet të ketë vdekur një muaj më parë në një faltore të kishës në rajonin lindor të Marange.

Rasti ka ekspozuar shfrytëzimin e të miturve. Mediat e huaja shkruajnë se thuhet se ajo u detyrua të braktisë shkollën për t’u martuar.

Familja e saj është shprehur se foshnja i mbijetoi lindjes dhe ishte mirë. Rrethanat që çuan në vdekjen dhe varrimin e mëvonshëm janë ende nën hetim nga policia dhe komisioni gjinor shtetëror i vendit