Tragjike/ Aksidentohet autobusi, humbin jetën 8 pasagjerë, mbi 40 të plagosur

Të paktën 8 persona kanë humbur jetën dhe 48 të të tjerë kanë mbetur të plagosur në një aksident në Hungari, pas përmbysjes së një autobusi.

Aksidenti ndodhi sot herët në mëngjes në qytetin Szabadbattyan, jo shumë larg nga qyteti Szekesfehervar.

Mes të lënduarve ka disa persona që janë në rrezik për jetën, raporton AA.

Policia hungareze tha se ka nisur hetime për shkaqet që çuan në përmbysjen e autobusit dhe përplasjen me një urë në autostradë.