Tërmeti shkatërrues me 300 viktima/ Meta solidarizohet me popullin e Haitit: Trishtuese humbjet e jetëve

Presidenti Ilir Meta ka shprehur solidaritetin ne lidhje me tërmetin shkatërrrues që goditi Haitin të shtunën dhe mori jetën e të paktën 304 personave, si dhe plagosi mbi 1800 të tjerë.

Meta shprehet se lutjet tona sot janë për Haitin dhe se solidariteti ndërkombëtar është më se i domosdoshëm për tejkalimin e pasojave tragjike dhe rimëkëmbjen e vendit.

“Lutjet tona sot për popullin e Haitit! 
Trishtuese humbjet e jetëve, lëndimet dhe shkatërrimet nga tërmeti katastrofik.
Solidariteti ndërkombëtar, i domosdoshëm për tejkalimin e pasojave tragjike dhe rimëkëmbjen!”, shkruan Meta në reagimin e plotë.