Të shtëna në Lezhë pas sherrit mes dy personave, ja çfarë thotë policia

Të shtëna me armë zjarri mbrëmjen e djeshme në Lezhë.

Mësohet se një 33-vjeçar është shpallur në kërkim pasi ka qëlluar në drejtim të 60-vjeçarit me iniciale P.T, fatmirësisht pa i shkaktuar lëndime.

Në njoftimin zyrtar policia thotë se ngjarja ka ndodhur në Shënkoll dhe autori është identifikuar.

“Më datë 03.08.2021, në fshatin Shenkollë, Lezhë, pas një konflikti për motive të dobëta, shtetasi F.N., ka qëlluar me armë zjarri pistoletë në drejtim të shtetasit P.T.,60 vjeç, banues në Fushë Kuqe, Kurbin.

Shtetasi F.N., është larguar menjëherë me automjetin e tij. Nga e shtëna me armë zjarri nuk ka të lënduar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në vendngjarje kanë shkuar shërbimet e Policisë, të cilët kanë bërë të mundur identifikimin dhe shpalljen në kërkim të shtetasit F.N., 33 vjeç, banues në Fushë Kuqe, Kurbin.

Në cilësinë e provës materiale u sekuestruan 2 gëzhoja.

Po punohet për zbardhjen e plotë të ngjarjes dhe si dhe për kapjen e shtetasit të shpallur në kërkim.

Materialet do ti kalojnë Prokurorisë pranë Gjykatës se Shkallës së Parë Lezhë, për veprime të mëtejshme”, thuhet në njoftimin zyrtar.