Studimi: Zjarret mund të shkaktojnë rritje të numrit të njerëzve që vuajnë nga virusi 

Ndërsa Covid-19 vijon të përhapet, shkencëtarët kanë dalë në përfundimin që një fatkeqësi tjetër luan një rol tepër të rëndësishëm në rritjen e numrit të njerëzve që vuajnë nga format e rënda të koronavirusit që janë zjarret.

Një studim i ri i botuar në revistën e njohur “Science Advances” konkludoi se rritja e grimcave të vogla të tymit nga zjarret e vitit 2020 çoi në një rritje të ndjeshme të rasteve dhe vdekjeve nga COVID-19 në Kaliforni, Oregon dhe Uashington.

“Ndotja e ajrit me grimca të vogla mund të jetë një mjet shtesë për përhapjen edhe më të shpejtë të virusit,” tha për CNN Francesca Dominici, bashkëautore e studimit dhe profesoreshë e biostatistikës.

“Është një kombinim i rrezikshëm. “Duke pasur parasysh që ne shohim një rrezik në rritje të infektimit me variantin delta dhe ne tashmë kemi zjarre në pyje, kjo do të jetë shqetësuese,” shtoi ajo.

Grimcat e imëta ose PM 2.5, janë ndër ndotësit më të vegjël, por njëkohësisht edhe më të rrezikshëm. Kur thithen, ato udhëtojnë në indet e mushkërive, në mënyrë që ata të hyjnë po ashtu në qarkullimin e gjakut.

Grimcat PM 2.5, që vijnë nga burime të tjera, të tilla si makina, dhe shoqërohen edhe me një numër komplikimesh shëndetësore, përmendim këtu: astma, sëmundje të zemrës, bronkit kronik dhe sëmundje të tjera të frymëmarrjes – në thelb i bëjnë njerëzit të ndjeshëm ndaj koronavirusit të rëndë, po ashtu edhe fatal.

Albert Rico, shefi mjekësor i Shoqatës Amerikane të Mushkërive, qw nuk u përfshi në studim, u shpreh se ndotja e ajrit nga tymi nga zjarri ndoshta shkakton pneumoni.

“Grimcat e vogla që arrijnë në mushkëri krijojnë kushte të mira për zhvillimin e infeksioneve, siç janë viruset,” tha Rico për CNN.

“Sistemi imunitar është i përqendruar në luftimin e efekteve të grimcave, dhe tani ne kemi një virus kundër të cilit gjithashtu duhet të fillohet,” shtoi ai.