Strategjia e re në arsim/ Ministrja Kushi takon përfaqësuesit e ambasadave

Ministrja e Arsimit, Sportit dhe Rinisë, Evis Kushi ka zhvilluar sot një takim me përfaqësues të Ambasadës Franceze, Gjermane dhe asaj Spanjolle në Tiranë.

Në fokus të takimit ka qenë zbatimi i marrëveshjeve për seksionet dygjuhëshe në arsimin parauniversitar.

Në reagimin e saj në rrjetet sociale, teksa ka ndarë dhë disa foto nga takimi, Kushi shkruan se ata u ndalëm tek sugjerimet që ka dhënë secili prej këtyre partnerëve për strategjinë e re të arsimit 2021-2026 dhe më konkretisht, për mësimin e gjuhës së huaj të detyruar në arsimin parauniversitar.

“Në ambientet e Ministrisë ë Arsimit, Sportit dhe Rinisë mirëprita përfaqësues nga Ambasada Franceze, Gjermane dhe Spanjolle në Tiranë, me të cilët diskutuam rreth zbatimit në vijim të marrëveshjeve për seksionet dygjuhëshe në arsimin parauniversitar.

Gjatë takimit, u ndalëm tek sugjerimet që ka dhënë secili prej këtyre partnerëve për strategjinë e re të arsimit 2021-2026 dhe më konkretisht, për mësimin e gjuhës së huaj të detyruar në arsimin parauniversitar”.