LIGJET E BIZNESIT
Kryeministri Edi Rama u është përgjigjur sërish kritikëve, për performancën e këngëtarit serb, Goran Bregoviç në Festën e Birrës në Korçë dhe krahasimin me Dua Lipën.
Në një reagim në rrjetet sociale, Rama thekson se nuk ka barazuar hiç fare Dua Lipën me Goran Bregoviçin, por sipas tij ka thënë me një shembull të vërtetën e hidhur se të barabartë, njësoj krejt janë ata që shajnë e mallkojnë, në serbisht a në shqip.
“NJË KOMENT PËR KOMENTET E KINSE PATRIOTËVE
Ashtu siç bënë Bregoviçin kriminel serb pa asnjë fakt, tani sokëllijnë që unë paskam barazuar Dua Lipën me të! Dhe histeria vazhdon por jo, unë nuk kam barazuar hiçfare Dua Lipën me Goran Bregoviçin, po kam thënë me një shembull të vërtetën e hidhur se të barabartë, njësoj krejt janë ata që shajnë e mallkojnë, në serbisht a në shqip, artistët e sportistët me emër të palës tjetër! Histeri fashiste që as nuk e mbron, as e nderon, po vetëm e turpëron shqiptarinë, e cila s’mund të jetë kurrë shembëlltyrë e urrejtjes!”-shkruan Rama.
