Si vepron kur dëshiron të humbasë disa kilogramë në pak kohë? Lori Hoxha ndan sekretin

Trashëgimtarja e Top Media Lori Hoxha preferon që jetën private ta mbajë larg mediave.

Por pavarësisht kësaj, ajo ka gjetur mënyrën për të qenë pranë ndjekësve të saj dhe publikut.

Shpeshherë ajo iu përgjigjet pyetjeve me anë të intervistave në Instastory.

Duke qenë se jemi në sezon pushimesh dhe të gjithë duam më pak kile mundësisht brenda një jave, një fanse e ka pyetur nëse ka një sekret për të.

Lori nuk ka ngurruar dhe ka ndarë “sekretin” e saj.

“Unë e bëj këtë vetëm në rastet kur kam nevojë të ndihem pak më e lehtë. I bazoj vaktet në proteina dhe ha jeshillëqe (sallatë ose perime). Me pak fjalë, vezë, pulë, biftek, peshk dhe një sallatë jeshile. Kufizoj marrjen e karbohidrateve dhe 0 sheqer,” – ka shkruar ajo. Pra, e kuptuat, jo brumra, jo ëmbëlsira, jo bulmet. Sigurisht këtë regjim mund ta mbani disa ditë, pasi nuk është i rekomandueshëm shumë gjatë.