Ministrja e Arsimit Evis Kushi ka zhvilluar një mbledhje virtuale me drejtues të zyrave vendore, drejtorive rajonale dhe përfaqësues të ministrisë, për të diskutuar për diskutuar për nisjen e vitit të ri shkollor dhe mësimet plotësuese.
Në një status në rrjete sociale Kushi teksa ka publikuar momente të mbledhjes në mjedis virtual, thekson se u diskutuan në detaje të gjitha çështjet e nevojshme, për të mirëpritur nxënësit në 1 shtator për mësim plotësues.
“Takim online me drejtuesit e zyrave vendore arsimore, për të marrë të gjitha masat e nevojshme që shkollat të jenë gati për të mirëpritur nxënësit në datë 1 shtator dhe që mësimi plotësues të realizohet me sukses”– shkruan Ministrja Kushi.
Mësimi plotësues që nis nga data 1 shtator 2021, nuk është bërë i detyrueshëm, por i rekomandueshëm, pasi jo në të gjitha shkollat është zhvilluar mësim në distancë apo online vitin e kaluar gjatë pandemisë.
