Së shpejti prind? Si kurrë më parë Marin Mema zbulon detaje nga jeta personale

Marin Mema është një nga gazetarët më të dashur për publikun. Mema përgjatë gjithë këtyre viteve në ekran ka lënë punën e tij të flasë për të, duke mbajtur kështu sa më private jetën e tij personale.

Edhe në intervistat e dhëna, gazetari i njohur është munduar që jetën e tij private ta mbajë sa më larg mediave.

Mirëpo, së fundmi si rallëherë ka vendosur të flasë për jetën personale dhe planet për t’u bërë baba.

 “Po patjetër, nuk ka njeri që mos e mendojë të bëhet babi ose mami. Patjetër që unë do t’i sjell në vendin ku kam origjinën, pavarësisht se unë jam lindur dhe rritur në Tiranë”, tha ai për emisionin “Pushime On Top”.

Po ashtu, gazetari dha më shumë detaje mbi jetën e tij personale dhe për arsyen pse ka vendosur ta mbajë larg syve të publikut vajzën e zemrës.

“Është zgjedhje e të dyve, është zgjedhje edhe e imja për t’i mbajtur gjërat e mia për vete. Është më bukur kur ti gjërat private i mban për veten tënde. Njerëzit mua më njohin për Marinin që ka dëshirë të zbulojë Shqipërinë, për të sjellë ato vështirësitë, problemet, për të sjellë ato gjërat e bukura.

Dhe Marinin e kanë zgjedhur për këtë pjesë, kurse pjesa private nuk është një gjë që do të ishte në interesin e njerëzve”, u shpreh gazetari.