Rrihte nënën e tij/ Arrestohet në flagrancë 33-vjeçari në Sarandë

Një  33-vjeçar me inicialet E. A., është arrestuar në flagrancë nga policia e Sarandës teksa po ushtronte dhunë fizike ndaj nënës së tij.

Materialet në ngarkim të 33-vjeçarit, i kaluan prokurorisë së Sarandës për veprime të mëtejshme.

Njoftimi i plotë i policisë: Sarandë

Specialistët për Hetimin e Krimeve në Komisariatin e Policisë Sarandë arrestuan në flagrancë për veprën penale “Dhuna në familje”, shtetasin E. A., 33 vjeç, banues në Sarandë, pasi ka ushtruar dhunë fizike ndaj nënës së tij.

Materialet iu referuan prokurorisë, për veprime të mëtejshme.