Punonjësi u rikthye nga pushimet me virus, drejtoria në Fier vijon punën pa asnjë problem

Një punonjës i Drejtorisë së Mjedisit në Fier ka rezultuar pozitiv me Koronavirus. Nënpunësi është karantinuar mirëpo nuk ka ndodhur e njëjta gjë edhe me zyrtarët e tjerë të drejtorisë.

Ata vazhdojnë të jenë në marrëdhënie pune ndërkohë që nëpunësi i infektuar i kishte kontaktuar të gjithë pasi ishte kthyer nga pushimet.

Gazetarja e “ABC” në Fier, Valbona Davidhi bën me dije se drejtoria rajonale e mjedisit ka plot 40 punonjës.

Ende nuk është dhënë urdhri për mbylljen e institucionit duke rrezikuar edhe infektimin e personave të tjerë si qytetarë apo zyrtarë të tjerë të cilët kanë kontakte me këtë institucion.