Pse e vetë-sabotojmë dashurinë? 5 arsyet më të zakonshme

Një hulumtim i ri i botuar në numrin më të fundit të revistës tremujore, Journal of Couple & Relationship Therapy, diskuton arsyet pse ne vetë-sabotojmë dashurinë. Vetë-sabotimi romantik i referohet përdorimit të veprimeve vetëshkatërruese në marrëdhëniet romantike që synojnë të “pengojnë suksesin e lidhjes ose të tërheqin përpjekjet dhe të justifikojnë dështimin”.

Gjetjet e studimit janë përmbledhur më poshtë.

Të dhënat për studimin u mblodhën nga një sondazh online. U rekrutua një mostër ndërkombëtare prej 696 individësh me përvojë në marrëdhënie. Të paktën 50 vende u përfaqësuan, me 47% (kryesisht studentë) të ardhur nga Australia. Mosha mesatare ishte 31 vjeç (moshat variojnë nga 15 në 80 vjeç); 75% gra; 80% heteroseksuale; 62% në një lidhje romantike.

Pjesëmarrësit dhanë pesë lloje arsyesh pse ata sabotojnë marrëdhëniet e tyre romantike.

Frika: Të tilla si frika e lëndimit: zemra e thyer, refuzimi, frika nga braktisja. Gjithashtu frika nga angazhimi, tradhtia, intimiteti, dështimi dhe vetmia.

Vetëvlerësim i dobët ose vetë-koncept negativ (për shembull: ndjenja të inferioritetit).

Vështirësi për të besuar: Ndonjëherë këto u shkaktuan nga tradhti të së kaluarës.

Pritshmëritë e larta: Shoqërohen me tendenca perfeksioniste; fantazitë përrallore.

Aftësitë të papërshtatshme për të qenë në një marrëdhënie: Për shkak të papjekurisë, mungesës së përvojës, etj.

Një vështrim tek (vetë)sabotimi

Vetëm disa pjesëmarrës identifikuan me sukses modelet e tyre shkatërruese. Ata përshkruan se si marrëdhëniet e tyre aktuale u dëmtuan nga shqetësimet dhe sjelljet e tyre – për shembull, rastet kur nuk dinin si të ndaheshin, frika nga refuzimi, frika nga braktisja, pritshmëritë vetë-mohuese, tërheqja ndaj partnerëve të papërshtatshëm, ndjenja pasigurie etj.

Për ta ilustruar, një pjesëmarrëse vajzë shpjegoi:

“Unë nuk jam e mirë në ndarjen me njerëzit, kështu që e sabotoj marrëdhënien në atë pikë sa përkeqësohet shumë dhe përfundon ‘natyrshëm’.”
Strategjitë më të rëndësishmë për ruajtjen e marrëdhënieve të shëndetshme romantike janë besimi, komunikimi i hapur, përkushtimi, pranimi, siguria./anabel