“Presim rezultatet” Vatrat e zjarrit në Vlorë, flet kreu i emergjencave civile

Prej ditësh në Vlorë vatrat e zjarrit vijojnë duke djegur një pjesë të mirë të pyjeve dhe kullotave në afërsi të Dukatit dhe Karaburunit.

Ndërkohë në lidhje me këtë fenomen, ka folur dhe Drejtori i Agjencisë Kombëtare të Mbrojtjes Civile, Haki Çako tha se në Dukat janë vendosur me forcat e armatosura dhe po punohet intensivisht për të mos lejuar përhapjen e mëtejshme të vatrave të zjarrit.

I pyetur nga gazetarja e Fax News se a janë vënë në dispozicion 3 helikopterë ashtu siç kishte njoftuar Ministri i Mbrojtjes, Çako tha se po operohet me 3 helikopterë dhe terreni është i vështirë për ndërhyrje.

“Jemi te vendosur këtu ne Dukat me forcat e armatosura dhe po punojmë intensivisht në mënyrë që zjarri mos të përhapet dhe aktualisht nuk asnje rrezik për qytetarët.
Ka pasur vatra zjarri edhe në bashki të tjera por zonat më problematike është në Karaburun megjithatë ne do të bëjm cmos që vatrat e zjarrit të mos shtohen.
Operacioni me 3 helikopterë sic u njoftua po operohet në zonat e prekura dhe do shohim rerzultatet edhe pse ndikojnë shumë faktorët natyrorë”– u shpreh Çako.