Po e ndiqte policia, i riu me makinën luksoze bën namin, përplas disa makina dhe ngjitet në trotuar

Policia e Nju Jorkut ishte vënë në ndjekje të një të dyshuari, kur ky i fundit, teksa po largohej me makinë, përplaset me 7 mjete të tjera shkaktuar lëndimin e të paktën 14 personave

Policia ka deklaruar se ishte vendosur në ndjekje të mjetit, pasi ky i fundit, ishte duke udhëtuar me shpejtësi të lartë si dhe dyshohej që shoferi ishte duke tymosur kanabis.

Video e ndjekjes dhe më pas edhe e përplasjes masive, është regjistruar nga një kalimtar.

Në pamje, shihet se si shoferi i makinës i cili ishte në ndjekje, pasi kryen përplasjen, tenton të largohet në këmbë.  Nuk dihet ende nëse shoferi është arrestuar.